கேக் பாக்கெட்டில் கூடு கட்டி இருந்த பூச்சி - பார்த்ததுமே அதிர்ந்து போன மக்கள்

திருப்பூர் மாவட்டம் காங்கேயத்தில், பல்பொருள் அங்காடியில் வாங்கிய பிரபல நிறுவனத்தின் கேக்கில் பூச்சி கூடு கட்டியிருந்தது வாடிக்கையாளர்களை அதிர்ச்சியில் ஆழ்த்தியது. காங்கேயத்தைச் சேர்ந்த செந்தில்குமார், அங்குள்ள பல்பொருள் அங்காடியில் குழந்தைகளுக்காக பிரபல நிறுவனத்தின் கேக் பாக்கெட்டை வாங்கியுள்ளார். வீட்டிற்கு வந்து பிரித்தபோது, அதில், பூச்சி கூடு கட்டியிருந்ததும், அதில் புழு இருந்ததும் தெரியவந்தது. இதையடுத்து, செந்தில்குமார் அந்த பல்பொருள் அங்காடிக்கு சென்று கேட்டபோது, அவர்கள் அலட்சியமாக பதிலளித்ததாக கூறப்படுகிறது. எனவே, அந்த நிறுவனத்தின் மீது, அதனை வாங்கி விற்பனை செய்ததுடன் அலட்சியமாக பதிலளித்த பல்பொருள் அங்காடி மீதும் அதிகாரிகள் நடவடிக்கை எடுக்க வேண்டும் என செந்தில்குமார் கோரிக்கை விடுத்துள்ளார்.