திண்டிவனம் அருகே, மெக்கானிக் ஷெட் தீப்பிடித்து எரிந்ததால் பரபரப்பு நிலவியது. கல்லாளிப்பட்டு கிராமத்தைச் சேர்ந்த சிவா என்பவர், இரட்டணை வெங்கந்தூர் சாலையில் இருசக்கர வாகன பழுது பார்க்கும் கடை வைத்துள்ளார். இந்நிலையில், பணியின்போது தீப்பொறி ஏற்பட்டு தீப்பிடித்ததாக கூறப்படுகிறது. இதனால் கடை முழுவதும் தீ பரவி கொழுந்துவிட்டு எரிந்தது. சிவா கடையிலிருந்து அலறியடித்து வெளியே ஓடிய நிலையில், கடையில் இருந்த 10 -க்கும் மேற்பட்ட இருசக்கர வாகனங்கள் உட்பட பல லட்சம் ரூபாய் மதிப்பிலான பொருட்கள் சேதமடைந்தன. தீ விபத்து குறித்து போலீசார் விசாரணை நடத்தி வருகின்றனர்.