"3ம் வகுப்பு மாணவிக்கு பாலியல் தொல்லை கொடுத்த HM" - பரபரப்பு புகார்..

பள்ளிப்பட்டு பேரூராட்சிக்கு உட்பட்ட ஆஞ்சநேய நகரில், ஊராட்சி ஒன்றிய தொடக்கப்பள்ளியில் 16 மாணவர்கள் படித்து வருகின்றனர். பள்ளியின் தலைமை ஆசிரியராக செங்கல்வராயன் என்பவர் பணியாற்றி வருகிறார். கடந்த சில நாட்களுக்கு முன்பு பள்ளயில் மூன்றாம் வகுப்பு படித்து வரும் இருளர் சமுதாயத்தைச் சேர்ந்த மாணவி ஒருவரை, தலைமை ஆசிரியர் பாலியல் துன்புறுத்தலில் ஈடுபட்டதாக கூறப்படுகிறது. இதனால் குழந்தைகளை அனுப்ப பெற்றோர் தயக்கம் காட்டி வருகின்றனர். இதனால் கடந்த சில நாட்களாக 5 மாணவர்கள் மட்டுமே பள்ளிக்கு சென்று வருகின்றனர். மூன்றாம் வகுப்பு படித்து வரும் மாணவியும் பள்ளிக்கு செல்லாமல் அவரது குடும்பத்துடன் வெளியூருக்கு சென்றுவிட்டார். போலீசார் தாமாக முன்வந்து சம்பவம் தொடர்பாக மாணவி மற்றும் அவரது பெற்றோரிடம் விசாரணை நடத்தினர். இந்நிலையில் சிறுமி பேசிய வீடியோ சமூக வலைதளங்களில் வைரலாகி வருகிறது.