பெரியகுளம் அருகே வீசிய பலத்த சூறாவளியால் ஆலமரம் சாய்ந்து ஐந்து வீடுகள் சேதமடைந்தன. தேனி மாவட்டம் பெரியகுளம் அருகே உள்ள மேல்மங்கலம் கிராமத்தில் 200 ஆண்டுகள் பழமை வாய்ந்த ஆலமரம் வீடுகள் மீது சாய்ந்தது. இதில் 5 வீடுகள் இடிந்து சேதம் அடைந்ததுடன், ஒரு டிரான்ஸ்பார்மர் மற்றும் 12 மின்கம்பங்களும் முறிந்து விழுந்தன. ஆலமரம் சாய்ந்தபோது பொதுமக்கள் நடமாட்டம் இல்லாததால் பெரும் விபத்து தவிர்க்கப்பட்டது. தொடர்ந்து துண்டிக்கப்பட்ட மின் இணைப்பை சரிசெய்யும் பணிகள் தீவிரமாக நடந்து வருகிறது.