அடுத்தடுத்து வெடித்து சிதறிய டிரான்ஸ்பார்மர்கள்...அதிர்ந்து போன மக்கள்...ஓசூரில் ஏற்பட்ட பரபரப்பு

ஓசூர் நஞ்சுண்டேஸ்வரர் நகர் பகுதியில் இருந்த ஒரு டிரான்ஸ்பார்மர் திடீரென பழுதானதால் மின் ஊழியர்கள் மாற்று டிரான்ஸ்பார்மரை பொருத்தியுள்ளனர். ஆனால், அந்த ட்ரான்ஸ்பார்மர் ஒரே நாளில் வெடித்து சிதறி உள்ளது. இதனையடுத்து மற்றொரு டிரான்ஸ்பார்மரை கொண்டு வந்து பொருத்தியநிலையில், அந்த டிரான்ஸ்பார்மரும் வெடித்ததால் ஊழியர்கள் அதிர்ச்சியடைந்தனர். இதற்கான காரணத்தை கண்டறிய 6 நாட்களாக வீடுவீடாக செல்லும் மின் இணைப்பை ஊழியர்கள் சோதனை செய்து வந்தனர். ஆனால் காரணம் கண்டுபிடிக்கப்படாத நிலையில், மின்சாரம் வழங்கப்பட்டுள்ளது. எனவே, மின்வாரிய ஊழியர்களுக்கு புத்தாக்க பயிற்சி அளிக்க வேண்டும் என குடியிருப்புவாசிகள் வலியுறுத்தி உள்ளனர்.