அனைத்துலக முத்தமிழ் முருகன் மாநாடு - இவர்கள் தான் அந்த 16 அதிர்ஷ்டசாலிகள்

அனைத்து உலக முத்தமிழ் முருகன் மாநாட்டில், முருகனின் சிறப்புகளை இயல், இசை வழியாக எடுத்துக்கூறி தொண்டாற்றும் 16 பேருக்கு ஒரு சவரன் தங்கக்காசு பரிசளிக்கப்பட்டது.இயல், இசை, நாடகம் மட்டுமன்றி முருகனின் புகழை உலகெங்கும் கொண்டு செல்லும் வகையில் இறைத் தொண்டாற்றிய நபர்களிடம் இருந்து இந்து சமய அறநிலையத்துறை விண்ணப்பம் பெற்றிருந்தது.

இந்த விருதைப் பெற, தமிழகம் மட்டுமன்றி உலகெங்கும் இருந்தும் இணைய வழியில் பலர் விண்ணப்பித்தனர்.

அவர்களில் 16 பேர் தேர்ந்தெடுக்கப்பட்டு, அவர்களுக்கு முத்தமிழ் முருகன் மாநாட்டின் நிறைவு விழாவில் தலா ஒரு சவரன் தங்க நாணயமும் பாராட்டு சான்றிதழும் வழங்கப்பட்டது. இதில், போகர் சித்தர் விருது, மருத்துவர் கு.சிவராமனுக்கு வழங்கப்பட்டது. இதேபோல், நக்கீரர், அருணகிரிநாதர், குமரகுருபர் உள்ளிட்டோர் பெயர்களில் இறையன்பர்களுக்கு விருதுகள் வழங்கப்பட்டன.