இன்று 40வது பிறந்தநாள் கொண்டாடும் 'லேடி சூப்பர்' நயன்தாரா
தமிழ் சினிமாவின் லேடி சூப்பர் ஸ்டார் என்று அழைக்கப்படும் நடிகை நயன்தாரா, இன்று தனது நாற்பதாவது பிறந்தநாளை கொண்டாடுகிறார். கேரளாவில் மரியம் டயானா குரியன் என்ற பெயரில் பிறந்து தொகுப்பாளினியாக இருந்த அவர், தமிழில் நயன்தாரா என்ற பெயரில் ஐயா படத்தில் அறிமுகமானார். இரண்டாவது படத்திலேயே சூப்பர் ஸ்டார் ரஜினிக்கு கதாநாயகியான அவர், அடுத்தடுத்து விஜய், அஜித் என முன்னணி நடிகர்களுடனும் ஜோடி சேர்ந்து நடித்தது மட்டுமின்றி, லேடி சூப்பர் ஸ்டார் என்ற அந்தஸ்தையும் பெற்றார். நயன்தாராவின் 40-வது பிறந்தநாளை முன்னிட்டு, சக திரையுலக பிரமுகர்களும், ரசிகர்களும் வாழ்த்துக்களை தெரிவித்து வருகின்றனர்.