கட்டிட தொழிலாளி கொலை.. தடுக்க முயன்றவருக்கும் கத்தி குத்து சிக்கிய தாய்,மகன்! மதுரையில் அதிர்ச்சி..

கட்டிட தொழிலாளி கொலை.. தடுக்க முயன்றவருக்கும் கத்தி குத்து சிக்கிய தாய்,மகன் - மதுரையில் அதிர்ச்சி..

தண்ணீர் பிடிப்பதில் ஏற்பட்ட தகராறில் கட்டிட தொழிலாளி

குத்தி கொலை செய்யப்பட்ட சம்பவம் சோகத்தை ஏற்படுத்தியுள்ளது.

மதுரை மாவட்டம் கூடக்கோவில் கிராமத்தைச் சேர்ந்த தம்பதி கண்ணன் - பாண்டிச்செல்வி . கண்ணன் கட்டிட தொழிலாளியாக வேலை பார்த்து வந்தார். இந்த நிலையில் எதிர் வீட்டில் குடியிருக்கும் சரத்குமார் குடும்பத்துக்கும், கண்ணன் குடும்பத்துக்கும் தண்ணீர் பிடிப்பதில் அடிக்கடி தகராறு ஏற்பட்டு வந்துள்ளது. இந்த நிலையில் சம்பவத்தன்று இரவு ஏற்பட்ட தகராறில் கண்ணன் மற்றும் அவரது சகோதரர் சசிகுமார் ஆகிய இருவரை சரத்குமார் சரமாரியாக கத்தியால் குத்தி இருக்கிறார். இதில் கண்ணன் சம்பவ இடத்திலேயே பலியானார். சசிகுமார் பலத்த காயங்களுடன் மருத்துவமனையில் சிகிச்சை பெற்று வரும் நிலையில், சம்பவம் குறித்து வழக்குப் பதிவு செய்த போலீசார் சரத்குமார் மற்றும் அவரது தாயார் லட்சுமியை கைது செய்து சிறையில் அடைத்தனர்.