பாலத்தில் இருந்து விழுந்த நொடி... செல்போன் பேசிக்கொண்டிருந்த போதே பிரிந்த உயிர் - சோக சம்பவம்

நத்தம் அருகே பாலத்தில் அமர்ந்திருந்த இளைஞர் நிலை தடுமாறி கீழே விழுந்து உயிரிழந்த சம்பவம் சோகத்தை ஏற்படுத்தியுள்ளது. திண்டுக்கல் மாவட்டம் கோமணாம்பட்டியை சேர்ந்த தங்கவேலு சாத்தம்பாடி செல்லும் சாலையில் உள்ள தரை பாலத்தில் அமர்ந்து செல் போனில் பேசிக்கொண்டிருந்ததாக கூறப்படுகிறது. அப்போது எதிர்பாராத விதமாக பாலத்தின் அருகே இருந்த பள்ளத்தில் தவறி விழுந்த அவருக்கு தலையில் பலத்த காயம் ஏற்பட்டுள்ளது. பின்னர் மதுரை அரசு ராஜாஜி மருத்துவமனையில் அனுமதிக்கப்பட்ட தங்கவேலு உயிரிழந்ததால் உறவினர்கள் சோகத்தில் ஆழ்ந்தனர்.