“யூடியூப் பார்த்து தான் என் மாமான்னு தெரியும்..“ - MTC பஸ் கவிழ்ந்து பலியான ஆட்டோ டிரைவர் உறவினர்

அரசு பேருந்து கவிழ்ந்து, ஆட்டோ ஓட்டுநர் உயிரிழந்த சம்பவத்தில், விபத்தில் உயிரிழந்தது தன் மனைவியின் சகோதரன் என்பதை யூடியூப் மூலம் பார்த்து அதிர்ச்சியடைந்ததாக உறவினர் தெரிவித்துள்ளார்.

சென்னை மதுரவாயல் அருகே, சர்வீஸ் சாலையில் நின்று கொண்டிருந்த ஆட்டோ மீது பைபாஸில் சென்று கொண்டிருந்த அரசு பேருந்து கவிழ்ந்து விபத்துக்குள்ளானது. இதில், ஆட்டோ ஓட்டுனர் தினேஷ் உயிரிழந்தார். அரசு பேருந்து ஓட்டுனர் ஆரோக்கிய ராஜேஷ் என்பவரை போலீசார் கைது செய்து விசாரணை நடத்தி வருகின்றனர். விசாரணையில், பைக்கில் வந்த ஒருவர் திடீரென வலது புறமாக திரும்பியதால், கட்டுப்பாட்டை இழந்து பேருந்து தடம் புரண்டதாக ஓட்டுநர் வாக்குமூலம் அளித்திருக்கிறார். இந்நிலையில், விபத்தில் உயிரிழந்தது தன் மனைவியின் சகோதரன் என்பதை யூடியூப் மூலம் பார்த்து அதிர்ச்சியடைந்ததாகவும், குழந்தையின்றி மனைவியுடன் வசித்து வந்த ஆட்டோ ஓட்டுநரின் குடும்பத்திற்கு அரசு இழப்பீடு வழங்க வேண்டும் எனவும் உறவினர் கோரிக்கை வைத்துள்ளார்.Uploaded On 17.09.2024