சென்னையை அதிரவைத்த பெண் குறித்து வெளியான ஷாக் தகவல்...குழந்தைகள் உள்ள பெற்றோர் பதற்றத்தில்
சென்னையை அதிரவைத்த பெண் குறித்து வெளியான ஷாக் தகவல்...குழந்தைகள் உள்ள பெற்றோர் பதற்றத்தில்
கண்ணகி நகரில் குழந்தை கடத்தலில் ஈடுபட்ட தீபா தலைமறைவாக இருந்த நிலையில், தற்போது கைது செய்யப்பட்டுள்ளார்.
சென்னை கண்ணகி நகரை சேர்ந்த ஆரோக்கியதாஸ் -நிஷாந்தி தம்பதியின் குழந்தை கடந்த சில தினங்களுக்கு முன்னால்கடத்தப்பட்டு, பின்னர் மீட்கப்பட்டது. இந்த விவகாரத்தில் குழந்தை கடத்தலில் ஈடுபட்ட தீபா- வை போலீசார் தற்போது கைது செய்துள்ளனர்.
திருவேற்காட்டை சேர்ந்த தீபா அதே பகுதியில் உள்ள கோவிலுக்கு சென்றபோது அங்கு கண்ணகி நகரை சேர்ந்த பெண் ஒருவர் கோயிலில் மயங்கி விழுந்த நிலையில் அவருக்கு தீபா உதவி செய்துள்ளார். அப்போது இருவருக்கும் பழக்கம் ஏற்பட்டு பேசி வந்த நிலையில் தீபா தனக்கு குழ்ந்தை இல்லை என கூறி,அந்த பெண்ணிடம் அனுதாபத்தை ஏற்படுத்தியுள்ளார். கண்ணகி நகரில் குழந்தைகளை வளர்க்க முடியாமல் தவிக்கும் பெற்றோர்கள் உள்ளதாகவும், அவர்களிடம் இருந்து குழந்தை வாங்கித் தருவதாகவும் அந்த பெண் கூறியுள்ளார்.
தீபாவும் குழந்தை ஆசையால் கண்ணகி நகருக்கு வந்ததும் நிஷாந்தியை காட்டியுள்ளார். தீபா நிஷாந்தியை அணுகி குழந்தையை பெற முயன்றுள்ளார். ஆனால் நிஷாந்தியிடம் குழந்தையை வாங்க முடியவில்லை. இந்த நிலையில்தான் நிஷாந்திக்கு அரசு நிதி உதவி வாங்கித் தருவதாக கூறி, தியாகராய நகர் அழைத்துச் சென்று குழந்தையைகடத்தியாகவும், பின்னர் சென்னையில் இருந்து நாமக்கல்லில் உள்ள பரமத்தி வேலூருக்கு தப்பி வந்ததாகவும் தீபா வாக்குமூலம் தந்துள்ளர். தற்போது தீபா மீது குழந்தை கடத்தல்
உள்ளிட்ட வழக்குகள் பதியப்பட்டுள்ள நிலையில், போலீசார் அவரிடம் விசாரணை மேற்கொண்டு வருகின்றனர்.