பணி நேரம் முடிந்ததால் வீட்டிற்கு சென்ற விமானி.. விமானம் புறப்படும் என காத்திருந்த 164 பயணிகள்

சென்னைக்கு திருப்பி விடப்பட்ட அபுதாபி விமானத்தில் விமானி பணி முடிந்து சென்றதால் 164 பயணிகள் அவதியடைந்தனர். டெல்லி, மும்பை, அபுதாபி ஆகிய நகரங்களில் இருந்து வந்த 4 விமானங்கள், மோசமான வானிலை காரணமாக பெங்களூருவில் தரையிறங்க முடியாமல் சென்னைக்கு திருப்பி விடப்பட்டன. இதில் அபுதாபியில் இருந்து வந்த விமானத்தின் விமானி பணி நேரம் முடிந்துவிட்டதாக கூறி சென்றதால், 164 பயணிகள் சுமார் 3 மணி நேரத்திற்கு மேலாக விமானத்தில் காத்திருந்தனர். இதனால் கோபத்தில் வாக்குவாதத்தில் ஈடுபட்டதால், பயணிகள் தற்காலிகமாக ஓட்டலில் தங்கவைக்கப்பட்டனர்.