விடிய விடிய பெய்த கனமழை... வீட்டை விட்டு ஒரு அடி வைக்க முடியாத நிலை - திக்கு முக்காடும் புதுச்சேரி

புதுச்சேரியில் விடிய விடிய கனமழை தொடர்ந்தது...

பல்வேறு பகுதிகளில் மழை நீர் தேங்கியுள்ளது. குறிப்பாக தாழ்வான பகுதிகளான கிருஷ்ணா நகர், ரெயின்போ நகர் உள்ளிட்ட பகுதிகளில் மழை நீர் தேங்கியுள்ளதால் பொதுமக்கள் மிகுந்த சிரமம் அடைந்துள்ளனர். அதேபோல் முத்தியால்பேட்டை பகுதியில் வீடுகளுக்குள் மழை நீருடன் கழிவு நீர் புகுந்ததால் பொதுமக்கள் கடும் பாதிப்படைந்தனர்... புதுச்சேரியின் தற்காலிக பேருந்து நிலையத்தில் மழை நீர் தேங்கி சேரும், சகதியுமாக இருப்பதால் பயணிகளும் சிரமமடைந்தனர். கடல் சீற்றத்துடன் காணப்படும் நிலையில் ஆபத்தை உணராமல் கடலில் குளித்த சுற்றுலா பயணிகளை போலீசார் எச்சரித்து வெளியேற்றினர்...