``இப்படி மட்டும் செய்து விடாதீர்கள்..'' `கங்குவா' விவகாரம்... சுசீந்திரன் சூடான அறிக்கை

காலம் தாழ்த்தி கங்குவா திரைப்படத்தை கொண்டாடி விடாதீர்கள் என்று ரசிகர்களுக்கு இயக்குனர் சுசீந்திரன் வேண்டுகோள் விடுத்துள்ளார்... இதுகுறித்த சமூக வலைதள பதிவில், தமிழ் சினிமாவின் மிகவும் நேர்த்தியான பிரம்மாண்டமான திரைப்படம் என வர்ணித்த சுசீந்திரன், இயக்குனர் சிவா ரசிக்கும் படியாக திரைக்கதையை அமைத்திருப்பதாக புகழ்ந்தார்... சூர்யாவின் நடிப்பும் உழைப்பும் பிரம்மிக்க வைப்பதாக தெரிவித்த அவர், அனைத்து துறைகளிலும் உலக தரத்தில் கங்குவா உருவாகி இருப்பதாக தெரிவித்தார்... அனைவரும் குடும்பத்தோடு சென்று இந்த திரைப்படத்தை பார்க்க வேண்டும் என்றும், கங்குவா உங்களை மகிழ்விப்பான் எனவும் தனது பதிவில் குறிப்பிட்டுள்ளார் இயக்குநர் சுசீந்திரன்...