பல கட்ட யோசனைக்கு பின் மனதிற்கு மேல் கமல் அதிர்ச்சி முடிவு - மொத்தமாக முழுக்கு.. ஆடிப்போன கோலிவுட்

நடிகர் அஜித்தை தொடர்ந்து, கமல்ஹாசன் எடுத்திருக்கும் திடீர் முடிவு தமிழ் திரையுலகில் பேசு பொருளாகி இருக்கிறது. இது குறித்தான ஒரு செய்தி தொகுப்பை பார்க்கலாம் விரிவாக..

நடிக்கும் ஒவ்வொரு படங்களிலும் புதுமை...

அந்த ஒவ்வொரு புதுமைகளுக்கும் வியக்க வைக்கும் தனித்தன்மை என உலக சினிமா ரசிகர்களால் உலக நாயகன் என அழைக்கப்பட்டு வரும் நடிகர் கமல்ஹாசனின் திடீர் முடிவு பேசு பொருளாகி இருக்கிறது..

தன்னை கமல் ஹாசன் என்றும்.. கே.ஹெச் என்றும் அழைத்தால் மட்டும் போதும் என அறிக்கை வெளியிட்டிருக்கிறார் கமல்..

கூடவே, தனக்கு அடைமொழியும், பட்டமும் வழங்கியவர்களுக்கு எந்தவொரு மரியாதை குறைவும் வந்து விடாமல் அவற்றை துறப்பதாகவும் குறிப்பிட்டிருக்கிறார்...

பல கட்ட யோசனைகளுக்கு பிறகே இந்த முடிவுக்கு வந்திருப்பதாக கமல் கூறியிருக்கும் நிலையில், இயக்குநர் கே.எஸ்.ரவிக்குமாரின் தெனாலி படம் மூலம் கமல்ஹாசனுக்கு உலக நாயகன் என்ற பட்டம் வழங்கப்பட்டது குறிப்பிடத்தக்கது..

முக்கியமாக, இந்த உலக நாயகன் பட்டத்தை கமல்ஹாசனின் ராஜ்கமல் பிலிம்ஸ் எந்த இடத்திலும் குறிப்பிடாமல் இருந்தது...

மாறாக பத்மஸ்ரீ கமல்ஹாசன் என்றே பதிவு செய்து வந்த நிலையில், இடையில் விக்ரம் மற்றும் அமரன் திரைப்படத்தில் மட்டும் உலகநாயகன் என பதிவு செய்திருந்த சூழலில், கமல் இந்த திடீர் முடிவை எடுத்திருக்கிறார்..

இதற்கு முன், நடிகர் அஜித்... தன்னை தல என அழைக்க வேண்டாம், ஏகே என்றும், அஜித்குமார் என்றும் அழைத்தால் போதும் என அறிக்கை வெளியிட்டிருந்தார்..

இதனிடையே, உலக நாயகன், நம்மவர், ஆண்டவர், ஆழ்வார்ப்பேட்டை நாயகன் என பண்முக பெயரில் அழைக்கப்பட்டு வந்த கமல்ஹாசனின் இந்த அறிக்கை பேசு பொருளாகி இருக்கிறது...

இது குறித்து பேசிய நகைச்சுவை நடிகர் ரோபோ சங்கர், ஆமாம் கமல்ஹாசன் உலகநாயகன் கிடையாதுதான் எனக் கூறியிருக்கிறார்...

கமல்ஹாசனின் இந்த அறிக்கை குறித்து பலரும் தங்களின் கருத்துக்களை ஒருபக்கம் தெரிவித்து வரும் நிலையில், மறுபக்கம் “கடவுளே“ க்ரூப்ஸ்க்கு எந்த நேரத்தில் அறிக்கை வரப்போகிறதோ என சிலர் சலசலப்பை ஏற்படுத்தி வருகின்றனர்.