"என்னையும் கூப்பிடுவிங்கனு நம்புறேன்.." மேடையில் கேட்காமல் கேட்ட மத்திய அமைச்சர் - உடனே முதல்வர் கொடுத்த ரியாக்சன்
- விருதுநகர் மாவட்டத்தில் அமையவுள்ள பிரதமரின் ஒருங்கிணைந்த ஜவுளி மண்டலம் மற்றும் ஆடைப் பூங்கா அமைப்பதற்கான தொடக்க விழா சென்னை கோட்டூர்புரத்தில் நடைபெற்றது.
- இதில், முதலமைச்சர் மு.க.ஸ்டாலின், மத்திய அமைச்சர்கள் பியூஷ் கோயல், எல்.முருகன், தமிழக அமைச்சர்கள் உள்ளிட்டோர் கலந்து கொண்டர்.
- விழாவில், மத்திய மாநில அரசுகளுக்கு இடையே புரிந்துணர்வு ஒப்பந்தங்கள் பரிமாற்றிக் கொள்ளப்பட்டது.
- நிகழ்ச்சியில் பேசிய மத்திய அமைச்சர் எல்.முருகன், இந்த திட்டத்தை தமிழகத்திற்கு கொடுத்த பிரதமர் மோடிக்கும், திட்டத்தை செயல்படுத்த உள்ள முதலமைச்சர் ஸ்டாலினுக்கும் நன்றி தெரிவித்தார்.
- தொடர்ந்து பேசிய மத்திய அமைச்சர் பியூஷ் கோயல், அடிக்கல் நாட்டு விழாவுக்கு, தானும், பிரதமர் மோடியும் அழைக்கப்படுவோம் என எதிர்பார்ப்பதாக கூறினார்.
- அப்போது, ஸ்ரீவில்லிப்புத்தூர் ஆண்டாளை தரிசிக்க ஆவலுடன் இருப்பதாகவும் அவர் தெரிவித்தார்.