மின்னல் வேகத்தில் வந்த பைக்... போலீஸிடமிருந்தே 'இ-செலான்' கருவி பறிப்பு... மர்மநபர்கள் அட்டூழியம்...

விழுப்புரம் மாவட்டம் வானூர் அருகே, போலீசாரிடம் இருந்து இ-செலான் கருவியை பிடுங்கிச் சென்ற மர்மநபர்களை போலீசார் தேடி வருகின்றனர். கிளியனூர் காவல் நிலையப் போலீசார், மதுவிலக்கு சோதனைச் சாவடியில் வாகனத் தணிக்கையில் ஈடுபட்டிருந்தனர். அப்போது, தலைக்கவசம் அணிந்தபடி இருசக்கர வாகனத்தில் வந்த இருவர், போலீசார் கையில் வைத்திருந்த இ-செலான் கருவியைப் பிடுங்கிக் கொண்டு, மின்னல் வேகத்தில் சென்றுள்ளனர். இது தொடர்பாக, விழுப்புரம் மாவட்ட எஸ்பி ஸ்ரீநாதா, 2 போலீசாரிடம் விசாரணை மேற்காண்டுள்ளார்.