காற்றாலை ஏற்றிச் சென்ற ராட்சத வாகனம்...அசுர வேகத்தில் பின்னால் வந்த லாரி - அடுத்து நேர்ந்த பயங்கரம்

காற்றாலை ஏற்றிச் சென்ற வாகனமும், அதன் பின்னர் வந்த லாரியும் மோதி விபத்துக்குள்ளானதில் போக்குவரத்து பாதிக்கப்பட்டது. வேலூர் மாவட்டம், பள்ளிகொண்டா சென்னை-பெங்களூரு தேசிய நெடுஞ்சாலையில் காற்றாலையை ஏற்றிக் கொண்டு ஒரு வாகனம் சென்று கொண்டிருந்தது. அதன் பின்னர் வந்த லாரி ஒன்று முன்னே சென்ற வாகனத்திலிருந்த காற்றாலையில் மோதி விபத்துக்குள்ளானது. இதனால் அப்பகுதியில் சுமார் 2 மணி நேரம் போக்குவரத்து பாதிக்கப்பட்டது. லாரியிலிருந்து தப்பியோடிய ஓட்டுநரை போலீசார் தேடி வருகின்றனர்.