XL பைக்கை மட்டும் குறிவைத்து திருட்டு : காரணம் கேட்டு அதிர்ந்துபோன போலீஸ் - திருடர்கள் சொன்ன தகவல்

விருதுநகர் அருகே தொடர்ந்து இருசக்கர வாகன திருட்டில் ஈடுபட்ட 3 பேரை XL வாகனம் மட்டுமே இயக்க தெரியும் என்ற தகவலை கொண்டு, போலீசார் கைது செய்தனர்.விருதுநகர் மாவட்டம் வத்திராயிருப்பு பகுதியில் தொடர்ந்து இருசக்கர வாகனம் திருடப்படுவதாக புகார் வந்தது. அதனடிப்படையில் விசாரணை மேற்கொண்ட போலீசாருக்கு, குறிவைத்து XL வாகனம் மட்டுமே திருடப்பட்டிருப்பது தெரிய வந்தது. இதையடுத்து தீவிர விசாரணையில் ஈடுபட்ட போலீசார், புகார் அளித்த 12 மணி நேரத்தில் குருநாதன், வெள்ளச்சாமி மற்றும் வைரமணி ஆகியோரை கைது செய்தனர். அவர்களிடம் இருந்து ஐந்து XL வாகனங்கள் பறிமுதல் செய்யப்பட்டன. விசாரணையில், XL வாகனம் மட்டுமே ஓட்ட தெரியும் என்பதால் அதை மட்டும் குறித்து வைத்து திருடியதாக கைதான குருநாதன் தெரிவித்துள்ளார்.