பெட்ரோல் இல்லாமல் பாதியில் நின்ற திருட்டு வாகனம்...மக்களிடம் சிக்கி தர்ம அடி வாங்கிய திருடன் - தென்காசியில் பரபரப்பு
தென்காசி மாவட்டம் சங்கரன்கோவில் அருகே, இருசக்கர வாகனத்தை திருடிச் செல்லும் போது, பெட்ரோல் இல்லாமல் நின்றதால், கொள்ளையனுக்கு தர்ம அடி கொடுத்த பொதுமக்கள், போலீசாரிடம் ஒப்படைத்தனர்.
கரிவலம்வந்தநல்லூர் பகுதியில், வீட்டின் முன்பு நிறுத்தி வைக்கப்பட்டிருந்த இருசக்க வாகனத்தை, விருதுநகரைச் சேர்ந்த போஸ் என்பவர் திருடிச் சென்றுள்ளார். வாகனம் சிறிது தூரம் சென்றபோது, பெட்ரோல் இல்லாமல் நின்றுள்ளது. அந்த நேரத்தில், என்ன செய்வதென்றே தெரியாமல், திகைத்து நின்ற கொள்ளையன் போஸிடம், சந்தேகத்தின் பேரில் பொதுமக்கள் விசாரித்துள்ளனர். அப்போது அவர் இருசக்கர வாகனத்தை திருடி வந்ததாக கூறியுள்ளார். பின்னர் பொதுமக்கள் தர்ம அடி கொடுத்து, போஸை போலீசாரிடம் ஒப்படைத்தனர்.