சாதனை படைத்த இரட்டையர்கள்..! - எம்பிபிஎஸ் கவுன்சிலிங்கில் நடந்த சுவாரஸ்யம்

சாதனை படைத்த இரட்டையர்கள்..! - எம்பிபிஎஸ் கவுன்சிலிங்கில் நடந்த சுவாரஸ்யம்

ஈரோட்டை சேர்ந்த ஏழை விவசாய கூலி தொழிலாளர்களின் இரட்டை பிள்ளைகளுக்கு, ஸ்டான்லி மருத்துவக் கல்லூரியிலும், சென்னை மருத்துவக் கல்லூரியிலும் இடம் கிடைத்தது கலந்தாய்வுக்கு வந்தவர்களை வியப்பில் ஆழ்த்தியது.

ஏழை எளிய மாணவர்களின் கனவுகளை நனவாக்கும் ஏழரை சதவிகித இட ஒதுக்கீட்டின் கீழ் , அரசு பள்ளிகளில் படித்த சாமானிய குடும்பங்களை சேர்ந்த அரசு பள்ளி மாணவர்கள் 600 பேர் ஒரே நாளில் மருத்துவ படிப்புகளில் சேர்ந்தனர். இவர்களில், ஈரோடு மாவட்டம் கள்ளிப்பட்டி கொண்டையம் பாளையம் கிராமத்தைச் சேர்ந்த ராமசாமி - புவனேஸ்வரி தம்பதியின் இரட்டை பிள்ளைகளான ராகுல் 466 மதிப்பெண்கள் பெற்று சென்னை மருத்துவக் கல்லூரியிலும், கோகுல் 372 மதிப்பெண்கள் பெற்று ஸ்டான்லி மருத்துவக் கல்லூரியிலும் சேர்ந்துள்ளனர். இந்த நிகழ்வு கலந்தாய்வில் வந்தவர்களை வியப்பில் ஆழ்த்தியது.