பள்ளி மாணவனை இரும்பு கம்பியால் தாக்கிய இரவு காவலர்.. - வீடியோ வெளியிட்டு கதறிய சிறுவன்

தஞ்சாவூரில், அரசு பள்ளி மாணவனை, விடுதி வார்டன் இரும்பு கம்பியால் தாக்கியதாக கூறும் மாணவனின் வீடியோ சமூக வலைதளத்தில் வேகமாக பரவி வருகிறது. ஒரத்தநாட்டில் அரசு ஆண்கள் மேல்நிலைப்பள்ளியில், மாணவருக்கான விடுதி பள்ளி வளாகத்தில் செயல்பட்டு வருகிறது. இதில் 7 ம் வகுப்பு படித்து வரும் மாணவன் ஈஸ்வரன், இரவு நேரத்தில் விளையாடியுள்ளார். இதனால் ஆத்திரமடைந்த விடுதியின் இரவு காவலர் தண்டாயுதபாணி, இரும்பு கம்பியால் சிறுவனை தாக்கியதாக கூறப்படுகிறது. இதனிடையே அடிபட்ட கையில் மாவு கட்டு கட்டியபடி, சிறுவன் கூறும் வீடியோ சமூக வலைத்தளங்களில் பரவி வருகிறது.