நெய்வேலி NLC-யில் திடீர் தீ விபத்து.. புகை மண்டலமாக மாறிய சுரங்கம்.. தலைதெறிக்க ஓடிய தொழிலாளர்கள்

கடலூர் மாவட்டம் நெய்வேலி என்எல்சி இந்தியா நிறுவன சுரங்கத்தில், பல கோடி மதிப்பிலான இயந்திரம் தீப்பற்றி எரிந்தது.

என்எல்சி-யில் உள்ள சுரங்கம் 1Aவில், நேற்று நள்ளிரவு எதிர்பாராத விதமாக ஏற்பட்ட மின்கசிவால், கன்வேயர் பெல்ட இயந்திரம் திடீரென தீப்பிடித்து எரிந்தது. இதனால் வான் உயரத்திற்கு தீயானது பரவி, சுரங்க முழுவதும் புகைமண்டலமாக மாறி உள்ளது. சுரங்கத்தில் தீ விபத்து ஏற்பட்டதால், அப்பகுதியில் பணிபுரிந்த தொழிலாளிகள் அங்கிருந்து தலைதெறிக்க ஓடினர். இது குறித்து தகவலறிந்த தீயணைப்புத் துறையினர், விரைந்து வந்து தீயை கட்டுக்குள் கொண்டு வந்தனர்.