கொத்தாக 5 பெண்களின் உயிரை காவு வாங்கிய ஷேர் ஆட்டோ.. எமனாக வந்த லாரி - ஆங்காங்கே விழுந்த 7 பேர்

ஆந்திராவில், லாரியுடன் ஷேர் ஆட்டோ மோதிய விபத்தில் 5 பெண்கள் சம்பவ இடத்திலேயே உயிரிழந்தனர். தெலங்கானா மாநிலம் நல்கொண்டா மாவட்டத்தை சேர்ந்த 23 கூலித்தொழிலாளர்கள், ஒரே ஷேர் ஆட்டோவில் ஆந்திராவுக்கு பயணம் செய்தனர். பல்நாடு மாவட்டம் குரஜாலா பகுதியில் ஆட்டோ சென்றபோது, எதிரே வந்த லாரியுடன் மோதியது. இதில் ஆட்டோவில் இருந்த பெண்கள் தூக்கி வீசப்பட்டனர். 5 பெண்கள் சம்பவ இடத்திலேயே உயிரிழந்தனர். 7 பேர் காயங்களுடன் சாலையில் விழுந்து கிடந்தனர். அவர்களை பொதுமக்கள் மீட்டு, ஆம்புலன்ஸ் மூலம் மருத்துவமனைக்கு அனுப்பி வைத்தனர். போலீசார் வழக்குப்பதிவு செய்து விசாரணை நடத்தி வருகின்றனர்.