சபரிமலை ஐயப்பன் கோயிலில், ஐப்பசி மாத பூஜைக்காக திங்கள்கிழமை மாலை நடை திறக்கப்பட்டது. மேல்சாந்தி பரமேஸ்வரன் நம்பூதிரி நடையை திறந்து வைத்து குத்துவிளக்கு ஏற்றி வைத்து தீபாராதனை காட்டினார். செவ்வாய்க்கிழமை முதல் சனிக்கிழமை வரை பக்தர்களுக்கு அனுமதி வழங்கப்படுகிறது.
தற்போது பொறுப்பில் உள்ள சபரிமலை மேல்சாந்தி பரமேஸ்வரன் நம்பூதிரி, மாளிகைப்புறம் மேல்சாந்தி சம்பு நம்பூதிரி ஆகியோரின் பதவிக்காலம் முடிவடைய உள்ளது. இதையடுத்து அடுத்த ஓராண்டுக்கு புதிய மேல்சாந்திகளை தேர்வு செய்வதற்கான தேர்தல் இன்று காலை 8 மணிக்கு நடைபெறவுள்ளது.