பாரத் ஜோடோ யாத்திரையில் முன்னாள் பிரதமர் இந்திராகாந்திக்கு ராகுல்காந்தி மரியாதை

முன்னாள் பிரதமர் இந்திரா காந்தியின் பிறந்த நாளை ஒட்டி, மகாராஷ்டிராவில் பாரத் ஜோடோ யாத்திரையில் ஈடுபட்டுள்ள ராகுல்காந்தி அவரது புகைப்படத்திற்கு மலர்தூவி மரியாதை செலுத்தினார்.

மறைந்த முன்னாள் பிரதமர் இந்திரா காந்தியின் பிறந்த நாளை காங்கிரஸ் கொண்டாடி வருகிறது. அந்த வகையில் டெல்லி சக்தி ஸ்தல் பகுதியில் உள்ள அவரது நினைவிடத்திற்கு சென்று சோனியா காந்தி மரியாதை செலுத்தினார்.

காங்கிரஸ் தலைவர் மல்லிகார்ஜூன கார்கே, ராஜஸ்தான் முதலமைச்சர் அசோக் கெலாட், மூத்த காங்கிரஸ் தலைவர் பூபேந்திர ஹூடா உள்ளிட்டோரும் மறைந்த இந்திரா காந்தி நினைவிடத்தில் மரியாதை செலுத்தினர்.