தண்ணீர் தொட்டியில் விழுந்து 6 வயது சிறுமி உயிரிழப்பு - கதறி அழுத பெற்றோர்
- சேலம் மாவட்டம் ஓமலூர் அருகே தண்ணீர் தொட்டிக்குள் விழுந்து 6 வயது சிறுமி உயிரிழந்தது சோகத்தை ஏற்படுத்தியுள்ளது.
- கிருஷ்ணகிரி மாவட்டம் வேலங்காட்டை சேர்ந்த கோகிலா, ஓமலூரை அடுத்த உம்பிளிக்கம்பட்டியில் உள்ள தனது தாய் வீட்டிற்கு, 6 வயது பெண் குழந்தையுடன் சென்றிருந்தார்.
- வீட்டிற்கு வெளியே விளையாடிக் கொண்டிருந்த சிறுமி மதுமிதா, திடீரென காணாமல் போனதால், அக்கம் பக்கத்தினருடன் தேடினர்.
- அப்போது, அங்கிருந்த தண்ணீர் தொட்டியை பார்த்தபோது, அதில் மூழ்கி சிறுமி சடலமாக கிடந்தது தெரிய வந்தது.
- இதைப்பார்த்து, சிறுமியின் பெற்றோரும், உறவினரும் கதறி அழுதனர். இது குறித்து காவல்துறையினர் வழக்குப் பதிவு செய்து விசாரணை நடத்தி வருகின்றனர்.
- மூடாமல் வைத்திருந்த தண்ணீர் தொட்டிக்குள் சிறுமி விழுந்து இறந்தது அப்பகுதியில் சோகத்தை ஏற்படுத்தியுள்ளது.