இசை ஞானி இளையராஜா பிறந்த தினம் இன்று.
1943இல் தேனி மாவட்டம் பண்ணைபுரம் கிராமத்தில் ஒரு எளிய குடும்பத்தில் பிறந்த இளையராஜாவின் இயற்பெயர் ராசையா. இவரின் இளைய சகோதரர்கள் கங்கை அமரன் மற்றும் ஆர்.டி.பாஸ்கர்.
சிறுவயதிலேயே ஆர்மோனியம் வாசிப்பதிலும், கிட்டார் வாசிப்பதிலும் தேர்ச்சி பெற்றார். 1960களில் இவரின் மூத்த சகோதரான பாவலர் வரதராஜன் தலைமையில் இவரும், இதர சகோதரர்களும் ஏராளமான இசை கச்சேரிகள் செய்தனர். கம்யூனிஸ்ட் கட்சியின் மேடைகளில் பாடினர்.
1969ல் சென்னைக்கு தனது இளைய சகோதரர்களுடன் இடம் பெயர்ந்த இளையராஜாவிற்கு பாரதிராஜா ஆதரவளித்தார். தன்ராஜ் மாஸ்டரிடம் செவ்வியல்இசை பயிற்சி பெற்றார். பின்னர் லண்டனில் உள்ள டிரினிடி இசைக்கல்லூரியில் கிட்டார் தேர்வில் தங்கப் பதக்கம் பெற்றார்.
1976ல் அன்னக்கிளி படத்தில் இசையமைப்பாளராக அறிமுகமானார். அதன் பாடல்கள் அனைத்தும் ஹிட்டாகி, பட்டிதொட்டி எங்கும் ஒலித்தது.
1977ல் பாரதிராஜாவின் முதல் படமான 16 வயதினிலே படத்தில் நாட்டுபுற இசையையும், மேற்கத்தைய இசையும் கலந்து அபாரமாக இசையமைத்து, பெரும் புகழ் பெற்றார்.
கர்நாடக இசையின் அடிப்படையில் கவிக்குயில் படத்தில் இவரின் இசையில் பால முரளி கிருஷ்ணா பாடிய பாடல் இன்று வரை பிரபலமாக உள்ளது.
முதன் முறையாகத் தமிழ் திரைபடங்களில் ஸ்டீரியோ முறையில் ப்ரியா எனும் படத்திற்கு இசையமைத்து சாதனை படைத்தார்.
1980இல் பாரதிராஜாவின் நிழல்கள் படத்திற்கு இசையமைத்து, இசையமைப்பாளராகவே சில விநாடிகள் தோன்றிய தன் வரலாற்று பாடல்
வறுமையின் நிறம் சிகப்பு படத்தில், மெட்டுக்கு பாட்டெழுவது பற்றிய இந்த பாடல் பெரும் பாராட்டுதல்களை பெற்றுத் தந்தது.
புதுப் புது அர்த்தங்கள் படத்தில், இளையராஜா கம்போசிங் செய்யும் காட்சி இடம் பெற்ற ஹிட் பாடல்
கே.பாலச்சந்தரின் சிந்துபைரவி பட பாடல்கள் அனைத்தும் பிரமிப்பூட்டும் வகையில் அமைந்தது.
பாரதிராஜாவின் முதல் மரியாதை படத்தில் அவர் இசையமைத்த பாடல்கள் பட்டிதொட்டியெங்கும் ஹிட் அடித்தது.
2005இல் திருவாசகத்திற்கு மேற்கத்திய ஒரட்டேரியா இசை
வடிவில் இசையமைத்து பெரும் பாராட்டுதல்களை பெற்றார்.
40 வருட இசைப் பயணத்தில் ஆயிரத்திற்கு அதிக படங்களில் சுமார் 7,000 பாடல்களுக்கு இசைமைத்து சாதனை படைத்த இளையராஜாவிற்கு 2018ல்
மத்திய அரசு பத்ம விபூஷண் விருது வழங்கி கெளரவித்தது.
இசைத்துறையில் ஏராளமான சாதனைகள் படைத்த இளையராஜாவுக்கு 2022ம் ஆண்டு மத்திய பாஜக அரசு நியமண எம்.பி. பதவி வழங்கியது.
தமிழ் திரைப்பட இசை உலகில் அசுர சாதனை படைத்த இளையராஜா பிறந்த தினம், 1943 ஜூன் 2.