தஞ்சை மாவட்டம் பட்டுக்கோட்டை நகரட்சிக்குட்பட்ட பண்ணவயல் ரோடு பகுதியில் உள்ள குளத்தைக் காணவில்லை என்று ஒட்டப்பட்ட போஸ்டரால் பரபரப்பு ஏற்பட்டுள்ளது. பக்கிரிச்சி குளம் ஆக்கிரமிக்கப்பட்டு தற்போது மிக குறுகிய நிலையிலேயே உள்ள நிலையில், குளத்தை மீட்டுத் தர அதிகாரிகளிடம் பல முறை முறையிட்டும் பயனில்லை என்று கூறப்படுகிறது. இதனால்,"குளத்தை காணவில்லை" என்று கூறி பட்டுக்கோட்டை நகர் முழுவதும் போஸ்டர்கள் அடித்து ஒட்டப்பட்டதால் பரபரப்பு ஏற்பட்டுள்ளது. மேலும் ஆர்ப்பாட்டமும் நடத்தப்படுவதாக அறிவிக்கப்பட்ட நிலையில், அதிகாரிகள் பேச்சுவார்த்தை நடத்தி விரைவில் குளத்தை மீட்டுத் தருவதாக உறுதி அளித்ததின் பேரில் ஆர்ப்பாட்டம் கைவிடப்பட்டது.