பூங்காவிலிருந்து வெளியேறிய சிறுத்தை - பீதியில் மக்கள்

பெங்களூரு கெங்கேரியில் சிறுத்தை நடமாட்டத்தால் மக்கள் மத்தியில் பீதி ஏற்பட்டுள்ளது.

பெங்களூரு பன்னரகட்டா உயிரியல் பூங்காவிலிருந்து வெளியேறிய சிறுத்தை, கெங்கேரி பகுதியில் சுற்றித்திரிவதாக தகவல் வெளியானது.

சிறுத்தை உலாவும் சிசிடிவி காட்சியும் வெளியானது.

புறநகர் பகுதியான தேவனஹள்ளியிலும் சிறுத்தையின் நடமாட்டம் தெரியவந்ததும், அங்கு 4 சிறுத்தைகள் சுற்றித்திரிவதாகவும், இதனால் வெளியே வரவே பயமாக இருப்பதாகவும் மக்கள் தரப்பில் தெரிவிக்கப்பட்டது.

இதற்கிடையே 4 சிறுத்தைகள் சுற்றித்திரிகிறதா என்பது பற்றி உறுதியாக தெரியவில்லை என வனத்துறை தரப்பில் தெரிவிக்கப்பட்டுள்ளது.

பன்னரகட்டா உயிரியல் பூங்காவில் இருந்து துர்ஹள்ளி வனப்பகுதி வழியாக சிறுத்தைகள் வந்திருக்க வாய்ப்புகள் உள்ளன எனவும் தெரிவிக்கப்படுகிறது.

இந்த நிலையில் சிறுத்தையை பிடிக்க வனத்துறை தரப்பில் நடவடிக்கை எடுக்கப்பட்டு வருகிறது, சிறுத்தை நடமாட்டம் காணப்படும் இடங்களில் மக்கள் இரவில் வெளியே வரவேண்டாம் என்ற எச்சரிக்கையும் விடப்பட்டுள்ளது.