கனியாமூர் தனியார் பள்ளி கலவரம் .. போலீஸ் வாகனத்தை சேதப்படுத்திய 2 பேர் கைது..

கள்ளக்குறிச்சி தனியார் பள்ளி கலவர வழக்கில் போலீஸ் வாகனம் மீது தாக்குதல் நடத்திய மேலும் 2 பேரை போலீசார் கைது செய்துள்ளனர். சின்னசேலம் அருகே கனியாமூர் தனியார் பள்ளி கலவரத்தின் போது பள்ளி மற்றும் காவல்துறை வாகனங்கள் சூறையாடப்பட்டன. இந்த சம்பவத்தில் பதிவான வீடியோ காட்சிகளின் அடிப்படையில் பலரை போலீசார் கைது செய்து வருகின்றனர். இந்நிலையில், கலவரத்தின் போது காவல்துறை வாகனங்களை சேதப்படுத்தியதாக தினேஷ்சிங் மற்றும் இளையராஜா ஆகிய இருவரை போலீசார் கைது செய்து சிறையில் அடைத்தனர். இதையடுத்து, கலவரத்தில் கைது செய்யப்பட்டோரின் எண்ணிக்கை 445 ஆக உயர்ந்துள்ளது.