"ஹாரன் அடித்தது குற்றமா..?"எகிறி எகிறி அடித்த பெண்கள்... உருட்டுக்கட்டையால் அடித்த ஆண்கள்...

திருச்சியில் இரு தரப்பினர் இடையே ஏற்பட்ட மோதலில் 10 பேர் காயம் அடைந்த நிலையில், 2 பேர் மீது போலீசார் வழக்குப்பதிவு செய்துள்ளனர்

திருச்சி உறையூரை சேர்ந்த முத்தழகன், தனது மனைவியுடன் இரு சக்கர வாகனத்தில், அதே பகுதியில் உள்ள பஞ்சவர்ண சாமி கோயில் அருகே சென்று கொண்டிருந்தார். அப்போது, முத்தழகன் ஹாரன் அடித்ததும், சுபான் என்ற முதியவர் நிலைதடுமாறி கீழே விழுந்ததாக கூறப்படுகிறது. இதனால், இருவருக்கும் இடையே கடும் வாக்குவாதம் ஏற்பட்டது. இது குறித்து தகவல் அறிந்து, இரு தரப்பைச் சேர்ந்தவர்களும் சம்பவ இடத்திற்கு விரைந்து வந்தனர். அப்போது, ஒருவரை ஒருவர் உருட்டு கட்டைகளால் பயங்கரமாக தாக்கி கொண்டனர். தகவலின் பேரில் அங்கு வந்த போலீசார், இரு தரப்பினரையும் சமாதனம் செய்து அனுப்பி வைத்தனர்., இச்சம்பவம் குறித்து 2 பேர் மீது போலீசார் வழக்குப் பதிவு செய்துள்ளனர்....