"ஜனாதிபதி வருகையின் போது பிரச்சனையை ஏற்படுத்துவேன்" - ஆயுதப்படை காவலர் மிரட்டல் விடுத்ததாக புகார்

ஜனாதிபதி வருகையின்போது பிரச்சனையை ஏற்படுத்துவேன் என மிரட்டியதாக, ஆயுதப்படை காவலர் கைது செய்யப்பட்டுள்ளார். விருதுநகர் ஆயுதப்படையில் காவலராக பணிபுரிபவர் மணிமாறன். பெண்ணிடம் தகராறு செய்ததாக கைது செய்யபட்ட இவர், பணியிடை நீக்கம் செய்யப்பட்டுள்ளார். இந்தநிலையில் ஜாமீனில் வெளியே வந்துள்ள இவர், ஆயுதப் படை காவல் ஆய்வாளர் முருகேசனை போனில் தொடர்பு கொண்டு, ஜனாதிபதி மதுரைக்கு வரும் போது பிரச்சனை ஏற்படுத்துவேன் என மிரட்டியதாக கூறப்படுகிறது. இதுதொடர்பான புகாரின் பேரில் போலீசார் மணிமாறனை கைது செய்து, விசாரணை நடத்தி வருகின்றனர்.