ராஜஸ்தான் மாநிலம் ஜோத்பூரில் பெய்த கனமழையால் சாலையில் நிறுத்தி வைக்கப்பட்டிருந்த கார்கள் மழைநீரில் அடித்துச் செல்லப்பட்டன. ஜோத்பூர், அஜ்மார் உட்பட பல்வேறு நகரங்களில் கனமழை வெளுத்து வாங்கியது. ஜோத்பூரில் சாலைகளில் மழைநீர் தேங்கியதோடு, பல இடங்களில் தாழ்வான இடங்களை நோக்கி பெருக்கெடுத்து ஓடியது. அப்போது, சாலைகளில் நிறுத்தி வைக்கப்பட்டிருந்த கார்கள் மழைநீரில் அடித்துச் செல்லப்பட்டன.