முதல் நாள் வகுப்பிற்கு போதையுடன் வந்த 12 மாணவர்களை தற்காலிக நீக்கம் செய்து கல்லூரி நிர்வாகம் உத்தரவிட்டுள்ளது. ராயப்பேட்டையில் உள்ள புது கல்லூரியில் முதல் நாளாக மாணவர்களின் வருகையை ஒட்டி ஆசிரியர்கள் கண்காணிப்பு பணியில் ஈடுபட்டு வந்தனர். அப்போது கல்லூரியில் இரண்டாம் ஆண்டு மற்றும் மூன்றாம் ஆண்டு படிக்கக்கூடிய 12 மாணவர்களை சோதனை செய்த போது, நான்கு மாணவர்கள் மது மற்றும் கஞ்சா போதையில் இருந்தது தெரிய வந்தது. இதனை தொடர்ந்து நான்கு மாணவர்கள் மற்றும் அவருடன் சேர்ந்து வந்த 8 மாணவர்கள் என மொத்தம் 12 பேரை கல்லூரி நிர்வாகம் தற்காலிக நீக்கம் செய்து உத்தரவிடபட்டுள்ளது.