கண்முன்னே தந்தை வெட்டி கொலை..ஊசலாடும் 15 வயது மகனின் உயிர் - சென்னையில் பயங்கரம்

சென்னையில் மகன் கண் எதிரிலேயே மர்ம கும்பல் தாக்கியதில் தந்தை கொலை செய்யப்பட்டார்.

சென்னை ஆதம்பாக்கம் அம்பேத்கர் நகர் பகுதியை சேர்ந்த ஸ்ரீனிவாசன், உறவினர் துக்க நிகழ்ச்சிக்கு 10 ஆம் வகுப்பு பயிலும் தனது மகனுடன் சென்றுள்ளார். இந்நிலையில் ஆட்டோ மற்றும் 3 இருசக்கர வாகனங்களில் வந்த 8 பேர் மர்ம கும்பல் ஸ்ரீநிவாசனை பயங்கர ஆயுதங்களால் தாக்கியுள்ளனர். இதில் தலையில் பலத்த காயமடைந்த சீனிவாசன் சம்பவ இடத்திலேயே இறந்தார்.

தனது தந்தையை மர்ம நபர்கள் தாக்குவதை கண்ட ஸ்ரீனிவாசனின் மகன் தடுக்கச் சென்ற போது அவரையும் அந்த கும்பல் கத்தியால் தாக்கியதில் படுகாயமடைந்த அவர் சென்னை ராயப்பேட்டை அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார்.

கொலையான சீனிவாசன் மீது 2 கொலை வழக்குகள் உள்ளதாகவும் கடந்த 2021 ஆம் ஆண்டு ஆதம்பாக்கம் ரவுடி நாகூர் மீரான் கொலை வழக்கில் சிறைக்கு சென்று வந்தவர் என்பதாலும் பழி வாங்கும் நோக்கத்தில் கொலை நடந்திருக்கலாம் என போலீசார் சந்தேகிக்கின்றனர். மர்ம கும்பலை தீவிரமாக தேடி வருகின்றனர்.