விவசாயிகள் கவனத்திற்கு... இலவச மும்முனை மின்சாரம் வழங்கும் நேரத்தை அறிவித்தது மின்வாரியம்..!

விவசாயிகளுக்கான 12 மணி நேரம் மும்முனை மின்சாரம் வழங்கப்படும் நேரம் குறித்த அறிவிப்பை மின்வாரியம் வெளியிடப்பட்டு உள்ளது.இதன்படி டெல்டா மாவட்டங்களுக்கு காலை 8.30 மணியிலிருந்து மதியம் 2.30 மணி வரை 6 மணி நேரம் மும்முனை மின்சாரம் வழங்கப்பட உள்ளது.இரவு நேரத்தில் குரூப் 1பகுதிக்கு நள்ளிரவு 12 மணி முதல் காலை ஆறு மணி வரையிலும், குரூப் 2 பகுதிக்கு இரவு 11 மணியிலிருந்து காலை 5 மணி வரையிலும் மும்முனை மின்சாரம் வழங்கப்பட உள்ளது.டெல்டா அல்லாத மாவட்டங்களில் குரூப் 1 பகுதிக்கு காலை 9 மணியில் இருந்து மதியம் 3 மணி வரைக்கும், இரவு நேரத்தில் 10 மணியில் இருந்து அதிகாலை 4 மணி வரைக்கும் மும்முனை மின்சாரம் வழங்கப்பட உள்ளது.குரூப் 2 பகுதிக்கு காலை 9.30 மணியில் இருந்து ம‌திய‌ம் 3.30 மணி வரைக்கும், இரவு நேரத்தில் 10 மணியிலிருந்து விடியற்காலை 4 மணி வரைக்கும் மும்முனை மின்சாரம் வழங்கப்பட இருக்கிறது.