பள்ளி வளாகத்தில் வெடித்த நாட்டு வெடி.. அலறியடித்து பதறி ஓடிய மக்கள்... - ஆம்பூரில் பரபரப்பு
ஆம்பூரில், பள்ளி வளாகத்திற்குள் மாணவன் நாட்டு வெடி ரக பட்டாசு வெடித்த சம்பவம் பரபரப்பை ஏற்படுத்தியது. திருப்பத்தூர் மாவட்டம், ஏ-கஸ்பா பகுதியில் செயல்பட்டு வரும் அரசு உயர்நிலை பள்ளியில், திடீரென பலத்த வெடி சத்தம் கேட்டுள்ளது. இது குறித்து ஆசிரியர்கள் விசாரித்ததில், பள்ளியில் பயிலும் மாணவன் நாட்டு வெடி ரக பட்டாசை கொண்டு வந்து வெடித்தது தெரிய வந்தது. மாணவனின் எதிர்காலத்தை கருத்திற்கொண்டு, அவனது பெற்றோரை அழைத்து தகவல் கூறி, மன்னிப்பு கடிதத்தை தலைமை ஆசிரியர் பெற்றுக் கொண்டார்.