ஈரோடு கிழக்கு தொகுதி இடைத் தேர்தலை ஒட்டி, எதிர்க்கட்சித் தலைவர் எடப்பாடி பழனிசாமி தலைமையில் ஈரோட்டில் இன்று பிரசாரக் கூட்டம் நடைபெறவுள்ளது.ஈரோடு கிழக்கு தொகுதி இடைத் தேர்தலில், இரட்டை இலை சின்னம் ஈபிஎஸ் அணிக்கு கிடைத்ததை அடுத்து, தேர்தல் பணிகளில் ஈபிஎஸ் அணியினர் தீவிரம் காட்டி வருகின்றனர். தங்கள் வேட்பாளர் கே.எஸ்.தென்னரசுவை வெற்றி பெறச் செய்ய வேண்டும் என்பதற்காக பிரசார வியூகங்களை வகுத்து வருகிறார்கள். இந்நிலையில், ஈரோடு பெருந்துறை சாலையில் இன்று, எடப்பாடி பழனிசாமி தலைமையில் பிரம்மாண்ட பிரச்சாரக் கூட்டம் நடைபெறவுள்ளது. அந்த கூட்டத்தில் கட்சியின் முக்கிய நிர்வாகிகள் கலந்து கொள்கிறார்கள்.