சீர்காழி அருகே இறால் குட்டையில் மின்சாரம் பாய்ந்து இளைஞர் ஒருவர் உயிரிழந்தது சோகத்தை ஏற்படுத்தியுள்ளது. ஓலக்கொட்டாயமேடு கிராமத்தில் செயல்பட்டு வரும் இறால் பண்ணையில், இறால்களை பிடிக்கும் பணியில் தாண்டவன்குளத்தை சேர்ந்த ஹரீஸ் என்ற இளைஞர் ஈடுபட்டிருந்தார். அப்போது, தண்ணீரை மறு சுழற்சி செய்யும் இயந்திரங்களுக்காக இயங்கிக் கொண்டிருந்த ஜெனரேட்டர் மின் இணைப்பிலிருந்து மின்சாரம் கசிந்ததால், மின்சாரம் பாய்ந்து ஹரிஷ் உயிரிழந்தார். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.