திருமண மண்டப வாசலில் வைத்து மாற்றுத்திறனாளி கல்லால் அடித்து கொலை... விசாரணையில் வெளிவந்த அதிர்ச்சி தகவல்கள் - காஞ்சிபுரத்தில் கொடூரம்

காஞ்சிபுரத்தில் திருமணம் மண்டபம் எதிரில் மாற்றுத்திறனாளி ஒருவர் கல்லால் அடித்து கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. காஞ்சிபுரத்தை சேர்ந்த மாற்றுத்திறனாளி குமார் என்பவர், மேட்டுத் தெருவில் உள்ள திருமண மண்டபம் எதிரில் கல்லால் அடித்து கொலை செய்யப்பட்டு கிடப்பதாக போலீசாருக்கு தகவல் கிடைத்தது. தகவலின் அடிப்படையில் சம்பவ இடத்திற்கு சென்ற போலீசார், மாற்றுத்திறனாளியின் உடலை கைப்பற்றி மருத்துவமனைக்கு கொண்டு சென்றனர். இதையடுத்து, அருகில் உள்ள சிசிடிவி காட்சிகளை சோதனையிட்ட போலீசார், தள்ளுவண்டியில் பழக்கடை நடத்தி வரும் நாராயணன் என்பவரை சந்தேகத்தின் பேரில் பிடித்து விசாரணை நடத்தி வருகின்றனர்.