இலங்கையில் சிலிண்டர் விலை ரூ.246 குறைப்பு | நள்ளிரவு முதல் அமல்
இலங்கையில் சமையல் எரிவாயு சிலிண்டர் விலை 246 ரூபாய் வரை குறைக்கப்பட்டுள்ளது. இலங்கையில் ஏற்பட்ட பொருளாதார நெருக்கடியால், எரிவாயு சிலிண்டர் விலை உயர்ந்ததால் மக்கள் கடும் சிரமத்திற்கு ஆளாகினர்.
இந்த நிலையில் எரிவாயு சிலிண்டர்களின் விலையை குறைத்து லிட்ரோ நிறுவனம் அறிவித்துள்ளது. பனிரெண்டரை கிலோ எடை கொண்ட லிட்ரோ சமையல் எரிவாயு சிலிண்டரின் விலை 246 ரூபாய் வரை குறைக்கப்பட்டுள்ளது.
5 கிலோ எடையுடைய சிலிண்டரின் விலை 99 ரூபாயும், இரண்டரை கிலோ எடையுடைய சிலிண்டரின் விலை 45 ரூபாயும் குறைக்கப்பட்டுள்ளது. புதிய விலை குறைப்பு நள்ளிரவு முதல் அமலுக்கு வரம் என லிட்ரோ நிறுவனம் தெரிவித்துள்ளது.