ஐபிஎல் தொடரின் முதலாவது குவாலிஃபயர் போட்டியில் சென்னை-குஜராத் அணிகள் இன்று பலப்பரீட்சை நடத்த உள்ளன. சேப்பாக்கம் மைதானத்தில் இரவு 7.30 மணிக்கு இந்தப் போட்டி தொடங்க உள்ளது. இன்று வெற்றி பெற்றால் நேரடியாக இறுதிப்போட்டிக்கு தகுதிபெற முடியும் என்பதால், வெற்றிக்காக இரு அணிகளும் வரிந்துகட்டி களமிறங்கும். சம பலம் வாய்ந்த இரு அணிகள் மோதும் இந்தப் போட்டி ரசிகர்கள் இடையே மிகுந்த எதிர்பார்ப்பை ஏற்படுத்தி உள்ளது. சென்னையும் குஜராத்தும் இதுவரை மூன்று முறை நேருக்கு நேர் மோதியுள்ள நிலையில், மூன்றிலுமே குஜராத் வென்று இருப்பது குறிப்பிடத்தக்கது.