#JUSTIN || இயக்குனர் மீது துப்பாக்கி சூடு.! சீரியல் நடிகர் அதிரடி கைது.. திரையுலகில் பெரும் பரபரப்பு

பெங்களூருவில், டிவி சீரியல் நடிகர் ஒருவர் திரைப்பட இயக்குனரை சுட்டுக் கொலை செய்வதாக மிரட்டும் வகையில் துப்பாக்கியால் சுட்ட சம்பவம் பரபரப்பை ஏற்படுத்தி உள்ளது. அந்த நடிகரை தற்போது பெங்களூரு போலீசார் கைது செய்தனர்.

பெங்களூருவில் உள்ள சந்திரா லேஅவுட் பகுதியில் உள்ள தொலைக்காட்சித் தொடர் தயாரிப்பாளரின் அலுவலகத்தில் சின்னத்திரை நடிகர் தண்டேஷ்வரா, திரைப்பட இயக்குநர் பாரத் நாவுண்டா மீது துப்பாக்கிச் சூடு நடத்த முயன்றுள்ளார்.

தேவானம் பிரியா என்ற படத்தை தயாரிப்பதற்காக நடிகர் தண்டேஷ்வரா சில வருடங்களுக்கு முன்பு இயக்குனரிடம் ரூ.6 லட்சம் கொடுத்ததாகவும், ஆனால் படம் இன்னும் முடிவடையாததால், இருவருக்கும் இடையே வாக்குவாதம் ஏற்பட்டதாகவும், வாக்குவாதம் முற்றி ஒரு கட்டத்தில் துப்பாக்கி சூடு நடத்தும் அளவிற்கு சென்றதாகவும் போலீசார் விசாரணையில் தெரியவந்தது.

துப்பாக்கிச்சூடு நடத்திய நடிகர் மீது பெங்களூரு போலீசார், பிஎன்எஸ் பிரிவு 109ன் கீழ் வழக்கு பதிவு செய்து நடிகர் தண்டேஷ்வராவை கைது செய்தனர்.