காவலர் குடியிருப்பில் இருந்து கொண்டே வேலையை காட்டிய எஸ்.ஐ.யின் மகன் - அடுத்தடுத்து 5 வீடுகளில் துணிகரம் - சென்னையில் அதிர்ச்சி
- சென்னை புதுப்பேட்டையில், காவலர் குடியிருப்பில் 5 வீடுகளில் கைவரிசை காட்டிய காவல் உதவி ஆய்வாளர் மகன் உட்பட 2 பேர் கைது செய்யப்பட்டனர்.
- புதுப்பேட்டை காவலர் குடியிருப்பில் புகுந்த மர்ம நபர் ஒருவர், 5 வீடுகளில் கொள்ளையடித்துச் சென்றார்.
- இதுதொடர்பான புகாரின் பேரில் போலீசார் அங்கிருந்த சிசிடிவி காட்சிகளை ஆய்வு செய்தனர்.
- அப்போது, வெளியில் இருந்து யாரும் வந்து கொள்ளையடிக்கவில்லை என்பதை போலீசார் உறுதி செய்தனர்.
- பின்னர் காவலர் குடியிருப்பில் இருந்த காவல் உதவி ஆய்வாளரின் மகன் நந்தகோபால் என்பவர், கொள்ளை சம்பவம் நடந்த அன்று, மாயமாகி இருந்தது தெரியவந்தது.
- அதனைத் தொடர்ந்து, சிந்தாதிரிப் பேட்டையில் இருந்த நந்த கோபால் மற்றும் அவரது நண்பர் அருண் ஆகியோரை போலீசார் கைது செய்தனர்.
- பின்னர் அவர்களிடம் இருந்து 16 சவரன் நகை மற்றும் 3 செல்போன்கள் பறிமுதல் செய்யப்பட்டன.