பேருந்து கிடைக்காத அவலம்...விரக்தியில் பேருந்துகளை சிறைப்பிடித்த பயணிகள் - கோயம்பேட்டில் பரபரப்பு

சென்னை கோயம்பேட்டில் பேருந்துகளை சிறைபிடித்து ஆர்ப்பாட்டத்தில் ஈடுபட்ட பயணிகளால் பரபரப்பு ஏற்பட்டது. முகூர்த்த நாட்கள் என்பதால், தென்மாவட்டங்களுக்கு செல்வதற்காக ஏராளமான பொதுமக்கள் கோயம்பேடு பேருந்து நிலையத்திற்கு வருகை தந்தனர். ஆனால், குறைவான பேருந்துகள் இயக்கப்பட்டதால், பயணிகள் பெரும் சிரமத்திற்கு உள்ளாகினர். கடந்த 2 நாட்களாகவே இதே நிலை நீடித்து வந்ததாக கூறப்படுகிறது. இதனால், விரக்தி அடைந்த பயணிகள் பேருந்துகளை சிறைபிடித்து ஆர்ப்பாட்டத்தில் ஈடுபட்டுள்ளனர்.