இரவு நேரத்தில் காணாமல் போன கார்... சிசிடிவி காட்சிகளில் உலாவிய மர்ம நபர்

புதுச்சேரியை சேர்ந்த ராம்குமார் என்பவர், கடந்த ஜனவரி 19-ஆம் தேதி, வீட்டின் அருகே நின்ற சொகுசு கார் காணாமல் போனதால், காவல் நிலையத்தில் புகார் அளித்தார்.

இதையடுத்து வழக்குப்பதிவு செய்து விசாரித்து வரும் போலீசார், அருகிலிருந்த சிசிடிவி காட்சிகளை ஆய்வு செய்தனர்.

அதில் சந்தேகத்திற்கிடமான வகையில் ஒரு டிப்டாப் நபர் நின்றிருந்தது தெரியவந்தது.

அன்றைய தினம் அவர் ராம்குமாரிடம் வந்து, காருக்கு பைனான்ஸ் தேவையென்றால் தன்னிடம் தெரிவிக்குமாறு பயன்படாத செல்போன் எண்ணை கொடுத்தது தெரியவந்தது.

இதையடுத்து அந்த மர்ம நபர்தான் காரை திருடி சென்றாரா என்பது குறித்து போலீசார் விசாரணை நடத்தி வருகின்றனர்.