அரசுப்பள்ளி கழிவறைக்குள் பதுங்கிய பாம்பு..! உள்ளே சென்ற மாணவிக்கு நேர்ந்த விபரீதம்...

வேலூர் மாவட்டம் குடியாத்தம் அருகே அரசு பள்ளி கழிவறையில் பாம்பு கடித்து பள்ளி மாணவி அரசு மருத்துவமனையில் அனுமதிக்கப்பட்டார்.

குடியாத்தம் அடுத்த ஓலக்காசி அரசு உயர் நிலை பள்ளியில் 200 க்கும் மேற்பட்ட மாணவ மாணவிகள் பயின்று வருகின்றனர். சனி ஞாயிறு இரண்டு நாட்கள் விடுமுறை கழித்து இன்று திங்கட்கிழமை பள்ளி திறக்கப்பட்ட நிலையில், ஆலாம்பட்டரை கிராமத்தைச் சேர்ந்த மாணவி பூவிகா பள்ளிக்கு வந்துள்ளார். இன்று காலை பள்ளி வளாகத்துக்குள் உள்ள கழிவறைக்கு சென்ற அவரை

அங்கு பதுங்கி இருந்த பாம்பு காலில் கடித்துள்ளது.

கதறி துடித்த பூமிகா குடியாத்தம் அரசு மருத்துவமனையில் அனுமதிக்கப்பட்ட நிலையில்

அவருக்கு சிகிச்சை அளிக்கப்பட்டு வருகிறது.

இந்த சம்பவம் குறித்து குடியாத்தம் தாலுகா போலீசார் விசாரணை மேற்கொண்டு வருகின்றனர். பள்ளி வளாகத்தில் மாணவியை பாம்பு கடித்ததால் சக மாணவர்கள் அச்சமடைந்துள்ளனர்.