அதிகரிக்கும் உயிரிழப்பு... துள்ளத்துடிக்க பலியாகும் உயிர்கள் - ரத்தத்தில் மிதக்கும் காசா | Israel

காசாவின் இரு வேறு பகுதிகளில் இஸ்ரேல் ராணுவம் நடத்திய வான்வழி தாக்குதலில் 50க்கும் மேற்பட்டோர் கொல்லப்பட்டதாக பாலஸ்தீன சுகாதாரத்துறை அமைச்சகம் தெரிவித்துள்ளது. டெய்ர் அல் பாலா பகுதியில் உள்ள பள்ளிக்கூடம் ஓன்றில் ஆயிரத்திற்கும் மேற்பட்ட பாலஸ்தீன மக்கள் அகதிகளாக தங்கியிருந்தனர். அங்கு ஹமாஸ் அமைப்பினர் பதுங்கியிருப்பதாக கூறி இஸ்ரேல் ராணுவம் நடத்திய வான்வழி தாக்குதலில் பள்ளி கட்டிடத்தின் ஒரு பகுதி முற்றிலும் இடிந்து சேதமடைந்தது. இதில் சிக்கி 15 குழந்தைகள், 8 பெண்கள் உள்பட 30க்கும் மேற்ப்படோர் கொல்லப்பட்டதாகவும் பலர் படுகாயமடைந்ததாகவும் தெரிவிக்கப்பட்டுள்ளது. படுகாயமடைந்தவர்கள் உடனடியாக அழைத்து செல்லப்பட்டு அருகில் உள்ள மருத்துவமனையில் அனுமதிக்கப்பட்டனர். இதேபோல் கான் யூனிஸ் பகுதியில் இஸ்ரேல் ராணுவம் நடத்திய தாக்குதலில் 20 பேர் கொல்லப்பட்டதாக பாலஸ்தீன உள்ளூர் ஊடகம் தெரிவித்துள்ளது. காசா மீதான இஸ்ரேல் ராணுவ தாக்குதலில் இதுவரை39 ஆயிரத்திற்கும் மேற்பட்ட பாலஸ்தீனியர்கள் கொல்லப்பட்டுள்ளனர் என்பது குறிப்பிடத்தக்கது.