ஆப்கானில் இருந்து 500க்கும் அதிகமானோர் விமானம் மூலம் வருகை - ஜெர்மன் அரசு தகவல்

ஆப்கானிஸ்தானில் இருந்து 500க்கும் அதிகமானோரை ஜெர்மனி அரசு விமானம் மூலம் பாதுகாப்பாக அழைத்து வந்தது. காபூல் விமான நிலையத்தில் பல கூச்சல் குழப்பங்கள் நிலவியும்...வன்முறைகளுக்கு மத்தியிலும், தங்கள் நாட்டினர் மட்டுமல்லாது ஆப்கான் நாட்டு மக்களையும் விமானம் மூலம் அழைத்து வந்துள்ளதாக அந்நாட்டின் வெளியுறவு அமைச்சர் ஹெய்கோ மாஸ் தகவல் தெரிவித்துள்ளார். மேலும், ஜி 7 நாடுகளைச் சேர்ந்த வெளியுறவுத் துறை அமைச்சர்கள் காணொலி வாயிலாக ஆப்கான் சூழல் குறித்து ஆலோசனை செய்ய உள்ளதாகவும் மாஸ் தெரிவித்தார்.